’n FNB-takbedryfsbestuurder het in die hof verskyn omdat sy die bank na bewering oor ‘n twee jaar tydperk uit R4 miljoen se forex-betalings bedrieg het.
Die woordvoerder van die Valke, Kapt. Ndivhuwo Mulamu, het gesê Zandile Sibiya (39), wat by die Newtown-tak gewerk het, het na bewering forex-betalings met internasionale banksentrumstelseltransaksies op bedrieglike wyse verwerk en sowat R4 miljoen na haar eie rekening oorgeplaas.
“‘n Uitgebreide ondersoek is gedoen wat ‘n lasbrief vir arrestasie vir Sibiya se aanhouding toegestaan het,” het Mulamu gesê.
Sibiya, van Ormonde, het haarself Dinsdag aan die owerhede oorgegee en op dieselfde dag in die Palm Ridge gespesialiseerde handelsmisdaadhof verskyn.
Sy is borgtog van R10 000 toegestaan en die saak is tot 18 Januarie uitgestel.
