Oostenryk se houding teenoor entstowwe het ‘n dramatiese wending geneem. Hulle het ongeveer twee miljoen inwoners uit 8.9 miljoen wat nie ten volle ingeënt is nie, onder verpligte huisarres geplaas.
Enigiemand ouer as 12 wat nie ten volle gevaksineer is nie, mag slegs hul wonings verlaat vir skool, werk, oefening en om noodsaaklikhede soos kruideniersware aan te koop.
Die land se minister van gesondheid het gesê verdere maatreëls word oorweeg. Dit kan ‘n 22:00-aandklokreël vir almal insluit, ongeag hul inentingstatus.
Europa is nou verantwoordelik vir meer as die helfte van die gemiddelde sewe dae lange gevalle wêreldwyd en ongeveer die helfte van die jongste sterftes – die hoogste vlakke sedert April verlede jaar toe COVID-19 op sy aanvanklike hoogtepunt in Italië was.
Wolfgang Mückstein, Oostenryk se Minister van Maatskaplike Sake, Gesondheid, Sorg en Verbruikersbeskerming, het gesê ‘n besluit sal Woensdag geneem word, en bygevoeg: “Ons is almal in dieselfde bootjie.”
Regerings regoor Europa is bekommerd dat die toepassing van nuwe maatreëls ‘n brose ekonomiese herstel sal ontspoor, aangesien ander lande, insluitend Nederland, Duitsland en die Tsjeggiese Republiek, maatreëls tref of beplan om die verspreiding te bekamp.
