Skip to main content

‘n Onderonsie tussen ‘n indringer en ‘n moedige huishulp het eergister ‘n huisroof in Stormsrivier gefnuik. ‘n Inbreker is op die perseel in hegtenis geneem nadat ‘n gewapende reaksiespan van ‘n private sekuriteitsmaatskappy op ‘n paniekalarm gereageer het.

Die huiswerker was Dinsdag ongeveer 05H45 besig met haar take by ‘n huis in Storms River Village, toe ‘n jong man haar vir water gevra het, en sy het dit vir hom gegee. Daar word verder gesê dat nadat die jong man weg is, het die werknemer voortgegaan met haar takies, maar oomblikke later op dieselfde jong man in die badkamer afgekom nadat hy vermoedelik deur ‘n badkamervenster ingekom het.

Daar word beweer dat die inbreker probeer het om ‘n skootrekenaar te gryp, en ‘n gestoei het tussen die twee ontstaan. Tydens ‘n gestoei het die huishulp daarin geslaag om ‘n paniekknoppie te druk om ‘n gewapende reaksie van ‘n privaat sekuriteitsalarm te aktiveer.

Die inbreker is buite die huis deur ‘n sekuriteitsbeampte in hegtenis geneem nadat hy probeer vlug het. Die huishulp en haar 90-jarige huiseienaar is nie tydens die voorval beseer nie.

’n 19-jarige verdagte is in hegtenis geneem en moet binnekort in die Stormsrivier-landdroshof verskyn op aanklag van poging tot huisroof.

Leave a Reply

error: Content is protected !!