Barbara Creecy, die Minister van Bosbou, Visserye en Omgewing, het gesê Suid-Afrika sal nie ‘n onderneming wat deur 40 nasies en instellings onderteken is – om steenkoolfinansiering teen die 2030’s vir groot ekonomieë en die 2040’s vir armer nasies te beëindig -, ondersteun nie.
“Suid-Afrika het nie die ‘wegbeweeg van steenkool’-belofte onderteken nie. Ons standpunt in onderhandelinge is dat enige besluite geneem moet word in die proses van formele onderhandelinge deur die konvensie. En ek dink ons sal bekommerd wees oor situasies waar daar ‘n toename in neiging om platforms en beloftes op te stel wat buite die onderhandelingsproses is. Ons dink dat dit ontwikkelende lande benadeel,” het Creecy gesê.
Hierdie besluit kom nadat president Cyril Ramaphosa aan medeleiers by COP2 gesê het dat Suid-Afrika ‘n regverdige oorgang na ‘n laekoolstofekonomie en ‘n klimaatbestande samelewing sal ondersteun, berig allAfrica.
