Het jy geweet dat jou iPhone ‘n funksie het wat jou toelaat om te luister na gesprekke wat sowat 15 meters van jou af plaasvind? Wel, baie iPhone-gebruikers het die aktrise Elizabeth Hensridge om te bedank omdat sy presies uitgevind het hoe, berig The Sun.
Hensridge het haar skok op die sosiale media-webwerf Tik Tok gedeel nadat sy Apple se Luister Regstreeks-funksie op haar toestel ontdek het en gesê het: “So basies is ons nou almal spioene?!”
Die Luister Regstreeks-kenmerk is eintlik ontwerp as ‘n gehoorapparaatinstrument, en kan by jou iPhone-‘kortpaaie’ gevoeg word: As jy meters van jou foon af is, kan jy steeds na ‘n gesprek luister met Bluetooth-oorfone. Om te aktiveer, gaan na Instellings (Settings) en dan na Toeganklikheid (Accessibility), en kies dan Gehoortoestelle (Hearing Devices). Jy tik dan die naam van jou gehoortoestel onder MFi Hearing Devices in.
“Regstreeks Luister (Live Listen) kan jou help om ‘n gesprek in ‘n rumoerige vertrek te hoor of iemand oorkant die kamer te hoor praat. Met Live Listen word jou iPhone, iPad of iPod touch ’n afgeleë mikrofoon wat klank na jou Made for iPhone-gehoorapparaat stuur,” verduidelik die webwerf.
