Wie anders, behalwe die ANC, sal daaraan dink om ANC T-hemde tydens ‘n projekoorhandiging uit te deel?
Dit het die Msunduzi-munisipaliteit 20 jaar geneem om finansiering te bekom en uiteindelik ‘n sooispitgeleentheid vir ‘n gemeenskapsaal in Madiba, Pietermaritzburg, op te stel.
Die burgemeester van Msunduzi, Mzimkhulu Thebolla, asook die speaker Eunice Majola en ‘n wyksraadslid, Mike Amod, het uiteindelik die projek van R9,3 miljoen aan Nkonka Civils en ‘n subkontrakteur wat vir die projek verantwoordelik is oorhandig.
Die senior lede van die ANC in Msunduzi het Dinsdag ontken dat hulle projekte wat deur die regering gefinansier is, gebruik het om stemme te werf tydens die munisipale verkiesing. Dit ten spyte daarvan dat ANC-T-hemde met die gesig van ‘n stralende president Cyril Ramaphosa aan die einde van die geleentheid uit Thebolla se motor uitgedeel is.
