Appelsap wat deur die Suid-Afrikaanse firma Ceres gemaak is, word uit sewe Afrika-lande herroep weens hoë patulienvlakke wat braking en naarheid kan veroorsaak.
Patulien is ‘n mikotoksien wat deur verskillende tipes muf in appels en appelprodukte vervaardig word.
Laboratoriumtoetse het getoon dat Ceres-sap vlakke bevat wat hoër was as die wettig toegelate 50 mikrogram per liter.
Dié sap word uitgevoer na Kenia, die Demokratiese Republiek van die Kongo, Zambië, Zimbabwe, Uganda, Seychelle en Mauritius.
Die mededingingskommissie van die Common Market for Eastern and Southern Africa (Comesa) het verbruikers aangemoedig om sap wat tussen 14 en 30 Junie 2021 verpak is, terug te stuur.
