‘n Tragiese busongeluk het die dood van minstens 10 mense Dinsdag op die N3 veroorsaak. Die ongeluk het naby die Bergville-afrit in KwaZulu-Natal gebeur.
Robert Mckenzie, die KZN Nooddienste se woordvoerder, sê die bus het die snelweg verlaat en in die bosse beland. Die Eldo Coaches bus het Dinsdag omstreeks 06:45 vanaf Durban-stasie vertrek. Die eindbestemming was Johannesburg.
“Daar is berigte oor veelvuldige sterftes en beserings. EMS is op die toneel om pasiënte te behandel. Ekstra hulp is onderweg,” het McKenzie gesê.
