Byna 35 jaar het verloop sedert die tuiskoms van die 52 Amerikaners wat deur Iraanse militante gyselaar geneem is. Die groep het intussen gekrimp tot 39.
In laat 2015 is ‘n wet deur president Barack Obama onderteken wat beloof dat die voormalige gyselaars wie se 444 dae lange beproewing begin het na die oorname van die Amerikaanse ambassade in Teheran in 1979, vergoed sou word.
Maar die volle beloofde betalings van tot $4,44 miljoen – $10 000 vir elke dag van gevangenskap – het nooit gekom nie. Gyselaars of hul gesinne het slegs ‘n klein deel uit ‘n spesiale fonds gekry wat volgens administrateurs nou ‘op’ is. Daar sal geen betalings vir 2022 wees nie.
‘Ons word nie jonger nie’, het David M. Roeder (82) gesê, een van die mense wat president Biden smeek om in te tree.
Die gyselaarskrisis in Iran was ‘n nasionale trauma vir die Verenigde State. Op 4 November 1979 – slegs maande nadat militante wat getrou was aan Ayatollah Ruhollah Khomeini beheer oor die land oorgeneem het – het Iraanse studente die Amerikaanse ambassade binnegestorm en die personeel gyselaar geneem. Amerikaanse leiers was hulpeloos, en Amerikaners was geskok oor beelde van die geblinddoek gyselaars wat voor vyandige skares geparadeer is.
