Ondersoekers het bevestig dat die lyk wat in Wyoming gevind is wel dié is van die 22-jarige Gabrielle Petito, die #VanLife sosiale media beïnvloeder. Petito het Sondag in die Bridger-Teton National Forest vermis geraak tydens ‘n reis saam met haar verloofde, Brian Laundrie.
Die FBI het Dinsdag aangekondig dat die kantoor van die plaaslike lykskouing bevestig het dat dit die oorskot van Petito was en gesê dat haar dood as ‘n moord bestempel word. Die oorsaak van haar dood word nog ondersoek.
Die amptenare het hul soektog na Laundrie voortgesit aangesien hy bestempel word as ‘n persoon van belang. Hul soeke word toegespits op die Carlton Reserve, ‘n uitgestrekte park van 25 000 hektaar in Sarasota County, Florida.
Sy familieprokureur beweer dat hy Dinsdag laas gesien is. Niemand weet tot dusver waar hy hom bevind nie.
Richard Stafford, ‘n prokureur wat die Petito-familie verteenwoordig, het verlede week aan CNN gesê dat “die hele gesin van Gabby wil hê dat die wêreld moet weet dat Brian nie vermis is nie, hy kruip weg”.
