‘n Voormalige talentbestuurder, Mack, wat later R. Kelly se assistent geword het, het Vrydag in die hof in Brooklyn getuig.
Sy getuig dat sy Kelly die eerste keer in 2005 ontmoet het toe sy as talentbestuurder gewerk het. In 2009 word Mack bestuurder van ‘n 17-jarige sangeres, wat in die hof slegs as Precious geïdentifiseer is. Kelly het ingestem om saam met Precious aan haar musiek te werk. Laasgenoemde het in ‘n hotel naby Kelly se huis begin woon en in sy ateljee gewerk.
Die vennootskap tussen Kelly en Precious het “skielik” geëindig, het Mack gesê. Volgens Mack het Kelly haar gebel en gesê Precious gaan hom dagvaar en dat dit ‘iets met seksuele teistering te doen het’.
“Alles het net so vinnig gebeur,” het Mack deur trane getuig. “Hy het vir my gesê sy probeer ‘n regsgeding aan die gang kry, en ek moes kies tussen hulle twee.” Op daardie stadium, het Mack gesê, het Kelly gesê dat ‘mense soms vermis raak’ in sulke situasies. “Ek het dit as ‘n bedreiging beskou,” het sy gesê.
Daarna het Kelly se bestuurder haar na sy prokureur se kantoor in die middestad geneem. Daar het sy gesê dat sy ‘n regsdokument, wat reeds volledig opgetrek was, moes onderteken. Sy het nie die dokument gelees voordat sy onderteken het nie, maar onthou ‘n paar ja-of-nee-vrae oor of Kelly ooit seks gehad het met Precious of alkohol aan haar gegee het. Sy het gesê dat sy nie kan onthou of sy die vrae beantwoord het nie.
Dit is onduidelik of Precious ooit ‘n regsgeding ingedien het, maar Mack het gesê dat sy later verneem het dat die bewerings op een of ander manier ‘opgelos’ is.
Aanklaers het Precious nie geïdentifiseer nie, en hulle het nie gesê waarom hulle haar nie gebel het om te getuig nie.
Mack, wat in noue samewerking met Kelly was, het getuig van baie van die vreemde en ontstellende dinge waaroor ‘n aantal ander voormalige vennote van Kelly getuig het. Sy het gesê Kelly was dikwels vergesel deur ‘n paar “vroulike gaste”, wat met streng reëls hanteer was.
Dit blyk of die saak einde se kant toe staan uit ‘n aanklaer se oogpunt.
Dit is nog nie bekend watter getuienis of getuies sy verdedigingspan aan die hof sal voorlê nie.
