Toe amptenare in die dorp Sputnik onlangs aankondig dat hulle Rusland se Sputnik V-entstof by die plaaslike kliniek sou aanbied, het slegs 28 pensioenarisse uit 1000 mense aangemeld vir ‘n Covid-inenting.
Die belangstelling in die buiteland vir die Russiese entstof het die hoogte ingeskiet sedert data wat in die Lancet mediese tydskrif gepubliseer is, getoon het dat dit 91,6% doeltreffend is teen koronavirus, vergeleke met die beste ter wêreld.
Hierdie goedkeuring was ‘n politieke sowel as ‘n wetenskaplike sukses vir ‘n prestige-projek wat hard uitbasuin is deur Moskou en openlik betwyfel word deur baie in die Weste.
In die geval van Spoetnik ontvang mense twee inentings 21 dae uitmekaar. Die eerste entstof bevat adenovirus 26 en die tweede adenovirus 5 as die vektor.
Wetenskaplikes is bekommerd dat veral die gebruik van die ad-5-virusstam die risiko kan verhoog dat mense met MIV besmet raak, gebaseer op bewyse wat in vorige MIV-entstofproewe versamel is. Noudat dieselfde vektor weer vir Sputnik se Covid-entstof gebruik word, kan dit veroorsaak dat mense wat ingeënt word meer geneig is om MIV op te doen, veral in ‘n land soos Suid-Afrika wat reeds ‘n hoë voorkoms van hierdie virus het.
Lessells sê: “Die kommer is oor die MIV-negatiewe bevolking wat [die Sputnik-entsof] kan ontvang en of die entstof die risiko van mense om MIV op te doen, kan verhoog.”
Hoe groter die persentasie mense met MIV in ‘n land, hoe groter is die waarskynlikheid dat die MIV-negatiewe bevolking besmet kan raak.
Aangesien ongeveer 15% van die Suid-Afrikaners met MIV leef, wil Sahpra en die departement van gesondheid hê dat entstowwe se data aantoon of dit veilig is vir die plaaslike bevolking.
