Themba Ngomane (8) en Nonjabulo Ngomane (9), ‘n broer en suster, asook hul bure se dogter, Katlego Sibande (15), se lyke is gevind nadat hulle skool toe gegaan het en nie teruggekeer het nie.
Brig Motlafela Mojapelo, polisiewoordvoerder, het gesê ‘n geregtelike doodsondersoek is geopen.
Hy het gesê ‘n veewagter wat langs die Mohlaletse-rivier geloop het, het die drie lyke Dinsdag in stilstaande water gevind.
“By aankoms op die toneel is die drie kinders, nog steeds in skooldrag geklee, gevind. Hulle liggame het in die water gedryf. Die oorledenes is deur die twee gesinne geïdentifiseer,” het hy gesê.
Luitenant-generaal Thembi Hadebe, provinsiale polisiekommissaris, het beveel dat die omstandighede van die sterftes vinnig ondersoek moet word. Hy het gesê nadoodse ondersoeke sal gedoen word om die oorsaak van hul dood te bepaal.
“Die skool het ons Dinsdag [31 Augustus] vertel, toe ons gaan rapporteer dat hulle vermis is, dat hulle twee weke lank nie skool toe gekom het nie,” het die broer en susters se pa, Dumisani Ngomane, gesê.
Die gesin het gedurende die twee weke niks buitengewoons opgemerk nie, het hy gesê.
‘Hulle roetine was normaal. Ek vra myself af: toe hul huiswerk vir ons gewys was, het die ouer een dit vir hulle geskryf? Vir die hele twee weke het hulle met huiswerk teruggekom, maar ons het nie agtergekom of die handskrif aan die onderwyser of die ouer kinder behoort nie,” het hy gesê.
‘Dit wat gebeur het, is baie pynlik omdat die skool nie aan ons kon rapporteer dat die kinders twee weke deurgebring het sonder om die klas by te woon nie. Miskien sou ons dit kon sien kom, as die skool dit aangemeld het,” het hy gesê.
Brig Motlafela Mojapelo, polisiewoordvoerder, het gesê ‘n geregtelike doodsondersoek is geopen.
Hy het gesê ‘n veewagter wat langs die Mohlaletse-rivier geloop het, het die drie lyke Dinsdag in stilstaande water gevind.
“By aankoms op die toneel is die drie kinders, nog steeds in skooldrag geklee, gevind. Hulle liggame het in die water gedryf. Die oorledenes is deur die twee gesinne geïdentifiseer,” het hy gesê.
Luitenant-generaal Thembi Hadebe, provinsiale polisiekommissaris, het beveel dat die omstandighede van die sterftes vinnig ondersoek moet word. Hy het gesê nadoodse ondersoeke sal gedoen word om die oorsaak van die dood te bepaal.
