Johan Jordaan, ‘n sakeman van die Oos-Rand, is Maandag oorlede nadat rowers op sy en sy vrou, Stephne, se winkel in Springs toegeslaan het.
Vyf gewapende mans het Maandag omstreeks 09:00 by die egpaar se winkel, Mr. Lawnmower & Pool, toegeslaan. Die rowers het vir Stephne aangehou, waarna sy vir Johan geskree het dat daar rowers is. Johan het uit sy kantoor geharloop en op die rowers losgebrand. Een van die rowers is glo doodgeskiet en ‘n ander een het skietwonde opgedoen. Johan is ook in die proses gewond en het inmekaargesak. Die rowers het daarna gevlug.
Stephne het hulp ontbied. Johan het egter kort daarna as gevolg van sy beserings beswyk. Een rower was gewond. Die polisie het daarna ‘n derde rower aangekeer, twee van die rowers is nog op vrye voet.
Die gesin is erg getraumatiseerd na die voorval en die afsterwe van Johan. Die polisie ondersoek die saak verder.
Met erkenning aan ToekomsVonk.
