Nadat die ANC ‘n omvangryke aansoek by die kieshof ingedien het om die besluit van die verkiesingskommissie van SA (OVK) om nie die kandidaat-registrasiedatum te verleng nie, te betwis, het die ANC Dinsdagaand skielik die aansoek teruggetrek.
Volgens sy eie hofstukke wou die regerende party die OVK die datum verleng nadat hy nie kandidaatlyste in byna 100 munisipaliteite ingedien het nie. Die party staar ‘n ongekende verlies aan setels in die gesig as die verkiesing op 27 Oktober voortgaan.
Die ANC hoop nou dat die OVK se aansoek by die konstitusionele hof om die verkiesing tot Februarie uit te stel, sal slaag, aangesien ‘n nuwe kiesrooster ‘n nuwe datum vir die indiening van kandidaatlyste moontlik maak. Die konstitusionele hof het reeds ‘n verhoor gehou en sy beslissing oor die aansoek word binnekort verwag.
Die aansoek is ondersteun deur die ANC, maar woord teengestaan deur die DA, die EFF en ander organisasies.
Volgens artikel 159 (2) van die Grondwet en artikel 24 (2) van die Struktuurwet kan munisipale raadslede nie langer as vyf jaar in die amp bly nie en moet die verkiesing plaasvind binne 90 dae na die einde van die termyn, wat 3 Augustus is.
Die OVK het ‘n beroep op die konstitusionele hof gedoen om te verklaar dat plaaslike verkiesings buite die vereiste tydperk gehou moet word, en gelas dat dit nie later nie as Februarie gehou kan word.
Die ander opsie is dat die hof verklaar dat die versuim om die plaaslike regeringsverkiesings binne die 90 dae-tydperk te hou ongrondwetlik en ongeldig is.
Die DA het egter aangevoer dat die konstitusionele hof geen mandaat het om die wet aan te pas soos uiteengesit in die Grondwet nie. Die party is van mening dat ‘n grondwetlike krisis sou ontstaan as die konstitusionele hof toegee aan die OVK se aansoek om uitstel van die verkiesing.
Selfs al kon die konstitusionele hof die grondwet opskort, kan die hof dit slegs doen in die duidelikste gevalle waar daar geen twyfel bestaan dat dit nodig is om ‘n ander sentrale grondwetlike waarde te beskerm nie. Dit is nie die geval hier nie.
Die EFF het verlede week gesê dat die ANC versuim het om sy lys betyds voor te lê weens binnegevegte en onbevoegdheid met die party.
Intussen gaan die OVK voort met die voorbereiding vir die verkiesing wat op 27 Oktober gehou word.
