‘n Voormalige direkteur-generaal van die Staatsveiligheidsagentskap (SSA), Sonto-Gladys Kudjoe, word deur die Valke ondersoek weens beweerde diefstal en/of korrupsie waarby tot R112 miljoen betrokke was by “tydelike voorskotte” vir “spookbedrywighede” wat deur haar kantoor verkry is.
Kudjoe is ‘n voormalige ambassadeur in Swede en Egipte en werk nou as SA se sekretaris vir verdediging. Sy staan voor bewerings dat sy, saam met ‘n handjievol mense in haar kantoor, ‘n spookbedryf geskep het wat groot bedrae kontant vereis het, wat meestal deur haar persoonlike assistent of kantoorbestuurder aangevra is.
