Die Suid-Afrikaanse swemduo Tatjana Schoenmaker en Kaylene Corbett het deurgedring na die 200 m-borsslag-eindronde vir vroue op die Olimpiese Spele in Tokio – wat ‘n droomfinaal vir Team SA opgestel het.
Met ‘n silwermedalje vir Schoenmaker in die 100-meter borsslag vroeër tydens die Olimpiese Spele in Tokio, het sy net-net die wêreldrekord in die 200-borsslag misgeloop en ‘n Olimpiese rekord van 2: 19,16 vir die tweede vinnigste tyd in die geskiedenis behaal. Ondanks die feit dat sy nog twee rondes oor gehad het, het Schoenmaker besluit om in die uitdunne ‘n duidelike boodskap te stuur. Die wêreldrekord staan op 2:19.11, wat in 2013 opgestel is deur die Deen Rikke Moller Pedersen.
Ons ander ster swemmer is uit die spele. Chad le Clos het Woensdag vyfde geëindig in die 200 m-vlinderslag-eindstryd vir die Olimpiese Spele in Tokio vir mans in die Tokyo Aquatics Center.
Le Clos, wat in baan drie geswem het, het vinnig begin, want hy was die eerste swemmer wat in die halfpad op die 100 m-punt gedraai het.
