Mila Kunis en Ashton Kutcher bad hul kinders net as hulle vuil op hulle sien
Die egpaar het erken dat hulle net vir die dogter Wyatt (ses) en die seun Dimitri (vier) ‘n skrop gee as hulle vuil lyk, en selfs as die spruite vinnig ‘n afspoel kry, gebruik hulle byna nooit seep nie, omdat hulle nie hul delikate vel wil uitdroog nie.
Mila het verduidelik: “Ek het as kind nie warm water gehad nie, dus het ek in elk geval nie baie gestort nie. Maar ek bad my eie kinders ook nie elke dag nie. Ek was nie daai ma wat my babas gedurig gebad het nie.”
Ashton het bygevoeg: “Nou, hier is die ding: as jy die vuiligheid op die kind kan sien, maak dit skoon. Anders is daar geen punt nie.” En dieselfde beginsel is van toepassing op sy eie higiëne, aangesien hy net sy oksels en lieste was.
Die paartjie hou egter daarvan om hulle gesigte te was nadat hulle warm en natgesweet uit die gimnasium kom. Ashton het gesê: “Ek is geneig om na ‘n oefensessie water op my gesig te gooi om al die soute uit te kry.”
Mila het bygevoeg: “Ek was my gesig wel twee keer per dag.”
O hel….
Daai sweet na die gym gaan iewer saampak… n g-string sal dit darm seker skoon skuur…..