Beide Atul en Rajesh “Tony” Gupta is onlangs op Interpol se rooi lys geplaas. Dit plaas internasionale polisiedienste op die uitkyk vir die gesoekte vlugtelinge.
Albei hul eggenote is ook op Interpol se mees gesoekte databasis geplaas.
Die Indiese miljardêrs het in 2018 glo uit Suid-Afrika gevlug na Dubai. ‘n Uitleweringsverdrag tussen Suid-Afrika en die VAE is in Junie onderteken.
‘n ‘Red Notice’ is nie ‘n internasionale arrestasiebevel nie, maar verseker dat wetstoepassingsagentskappe regoor die wêreld die Guptas kan opspoor en aanmeld vir uitlewering.
“Hulle word gebruik om die polisie in al ons lidlande gelyktydig te waarsku oor vlugtelinge wat internasionaal gesoek word. Rooi kennisgewings help om vlugtelinge voor die gereg te bring, soms baie jare nadat die oorspronklike misdaad gepleeg is.” sê Interpol.
