Is SA op die punt om ‘n mislukte staat te word?
Dit is die vraag op kenners se lippe.
‘n Berig in AlJazeera sê ook dat volgens Eunomix Business & Economics Ltd. sal Suid-Afrika teen 2030 ‘n geweldige ekonomiese en politieke ineenstorting beleef, tensy hy sy ekonomiese model nou verander en ‘n groeivriendelike beleid implementeer. Dit is gebasseer op ‘n gedetailleerde statistiese ontleding van SA se ekonomiese rigting en die prestasie van die regering.
Sedert 1994 het die regerende African National Congress werkintensiewe groeibeleid verwerp en eerder lone verhoog en armes deur welsyn gesubsidieer, het Eunomix voorts gesê.
Terwyl minder as ‘n kwart van die bevolking werk het, is die loonrekening van Suid-Afrika aansienlik groter as dié van lande soos Indië, Thailand en die Filippyne.
Die ANC se strategie is ‘n “tweespalt gebore uit apartheid, verset en gekristalliseer deur ideologiese
puritanisme en verskanste belange,” het ‘n konsultant gesê. “Die land moenie kies tussen denkbeeldige teenoorgesteldes nie. Dit moet ‘n tweespoor benadering volg wat hulle versoen.”
President Cyril Ramaphosa is “baie duidelik” oor die behoefte aan inklusiewe groei wat ongelykheid, werkloosheid en armoede aanspreek, het sy woordvoerder Tyrone Seale telefonies gesê.
“Regering, sake, arbeid en gemeenskappe werk tans aan ‘n ekonomiese herstelplan,” het hy gesê.
“In Suid-Afrika is ons duidelik oor ons plan om die ekonomie te herlaai en die noodsaaklikheid om alle Suid-Afrikaners te betrek.”
Oudpresident Jacob Zuma het ‘n dekade van lae groei ingelui toe hy hom daarop toespits om die rol van die staat te vergroot, in plaas daarvan om ‘n private herstelondersteuning ná die wêreldwye ekonomiese krisis van 2008 te steun, het Eunomix gesê. Langdurige beleidsonsekerheid in gebiede wat wissel van mynbou tot telekommunikasie, het dit vererger.
Die ekonomiese impak van herhalende kragonderbrekings, toenemende werkloosheid en die verlies van die laaste beleggingsgraad-gradering op Suid-Afrika se skuld, is net vererger deur die uitbraak van die koronavirus.
Volgens Johannesburgse politieke en ekonomiese adviesburo’s kan die land naby aan die onderkant van ‘n tabel van meer as 180 lande staan wat veiligheid betref, soortgelyk aan Nigerië en die Oekraïne, en sal hulle welvaart gelyk wees aan plekke soos Bangladesj of die Ivoorkus. Dit is ‘n beduidende afname in sy huidige posisie, alhoewel dit beter behoort te vaar op maatreëls vir bestuur en welsyn.
Word SA ‘n mislukte staat?
